Bagong Banat ni Mayor Inday Sara Duterte Para Kay Mariel De Leon

Tila nagpatutsadahan sa social media sina Davao City Mayor Sara Duterte-Carpio at Binibining Pilipinas-International 2017 Mariel de Leon.

Ito ay pagkatapos mabigong makapasok sa Top 15 ng Miss International 2017 pageant ang dalagang anak nina Christopher de Leon at Sandy Andolong.

Noong November 14, na araw rin kung kailan ginanap ang Miss International sa Japan, nag-post ng mensahe sa Facebook si Mayor Duterte. Kalakip ng close-up photo ni Mariel, sinabi ng alkalde na “schadenfreude moment” ang pagkakatalo ng beauty queen. Ang schadenfreude ay German word na ang ang ibig sabihin, ayon sa Merriam-Webster, ay “enjoyment obtained from the troubles of others.”

Kahapon, November 16, nag-tweet si Mariel ng tila mensahe niya kaugnay ng Facebook post ni Mayor Duterte. Wala man siyang direktang binanggit na pangalan, mahihinuhang ang alkalde ng Davao City ang kanyang pinatutungkulan. Sabi ng beauty queen, “If another person’s ‘misfortune’ pleases you, it just shows how insecure and unhappy you are with your life. “It’s okay, maybe one day you’ll be truly happy? I’m sending you good vibes and prayers! ”

Dahil sa words ‘insecure’ sa tweet ni Mariel De Leon, agad naman rumesbak ang Mayor ng Davao City.

Nase-schadenfreude kami, insecure at unhappy agad, di ba pwedeng tulad mo ay sadyang maldita lang talaga kami. Ano ika-insecure sa talo mo? Pinili ko maging lawyer hindi beauty queen at naipasa ko ang bar exam ng isang take lang. Ikaw ilang beses ka nga ba natalo? At take note, pareho tayo mataba, wala ka lamang jan. Juicekow. Di kami insecure at unhappy, that’s your freudian slip about your schadenfreude moments. Nase-schadenfreude lang kami kasi we are born pala-away, lalo na kapag inuunahan kami. Nakita mo yung kadami ng camera sa SMX, lahat yun recording with your comments and you making faces.