P81,000 na napulot sa Balaoan, La Union.isinauli ng Dalawang Driver sa ating kapulisan,











Dalawang drayber ng isang pharmaceutical company ang nagsauli sa pulis ng P81,000 na kanilang nakita sa Balaoan, La Union.

Ayon kina Reny Ybarola at Jay Omanito, pauwi na sila ng Pangasinan matapos magdeliver ng gamot sa botika sa Ilocos Sur nang may nagulungan ang kanilang truck sa Balaoan.

"Akala namin tao, tapos binalikan namin. Akala pa nga namin basura din, tapos bigla namin nakita nagkalat ang pera galing sa isang U-Box at pinulot namin," kwento ni Ybarola.

Mayroon pa umanong gustong umangkin ng pera pero hindi sila nagtiwala, dagdag ng dalawa nang makapanayam ng ABS-CBN News.

Unang dinala ng dalawa ang napulot na P81,000 sa opisina ng ABS-CBN Dagupan. Pagkatapos, sinamahan ng sila ng news team para i-surrender ang pera sa pulis.

Isinauli nila ang pera dahil hindi magandang angkinin ang hindi sa iyo, ayon kay Omanito.

"Paano kung yung may-ari niyan mas nangangailangan. Paano kung may ooperahan tapos yan yung panggastos, edi hindi naoperahan," pahayag naman ni Ybarola.

Nananawagan naman ang Dagupan pulis sa may-ari ng pera na makipag-ugnayan sa kanilang tanggapan at sana huwag itong gawing oportunidad ng mga mananamantala.
P81,000 na napulot sa Balaoan, La Union.isinauli ng Dalawang Driver sa ating kapulisan, P81,000 na napulot sa Balaoan, La Union.isinauli ng Dalawang Driver sa ating kapulisan, Reviewed by Blogger on 2:43 AM Rating: 5

Walang komento